كريم نور يصرح" التاتو على دراع عمرو حنة مش و شم"

كريم نور المصور الفوتوغرافى صاحب آخر بوستر للهضبة تحدث لبرنامج فلاش قائلاً : فترة التحضير للبوستر ممكن تاخد من شهر الى شهرين وحسب الموسم اللى نازل فيه صيفى ولا شتوى ، وكله بيعتمد على اللوك النهائي لعمرو وممكن يحتاج يلعب رياضة شوية علشان كده بياخد فترة طويلة
وعن التاتو على ذراع عمرو ومكتوب عليه عبدالله والذراع الاخرى ومكتوب عليها اسماء بناته الثلاثة ، نور وكنزى وجنى قال كريم : اى حاجة تتعلق باللوك نفسه عمرو الذى يقرر أما دورى انا ففى الزوايا والاضاءة
كما ان التاتو ده عبارة عن حنة مش وشم وبيروح على طول
وعن تسرب البوستر قال : مفيش حاجة اتسربت ، ده حصل السنة اللى فاتت لكن مش مننا ،والصورة اللى نزلت كنا احنا اللى منزلينها كبداية دعاية للالبوم